12/27/2018
12/03/2018
Në gjurmët e Tulipanit të Zi - Tea Stilton
Kushdo
nga fëmijët që ka lexuar apo dëgjuar historitë gazmore të Jeronim Stiltonit nuk
ka sesi të mos ia ketë dëgjuar emrin Tea Stiltonit, motrës së Jeronimit, që është
edhe e dërguara e posaçme e "Jehonës së Brejtësit", gazetës më të
famshme të Ishullit të Miushëve.
Ndryshe
nga Jeronimi, Tea është një vajzë e shkathët, e zgjuar, që i ka qejf udhëtimet,
aventurat dhe të njohë sa më shumë njerëz të rinj. Ajo është gjithnjë e
pranishme në jetën dhe bëmat e Jeronimit, madje shpeshherë pikërisht ajo e
shtyn Jeronimin të ndërmarrë aventura nga më të jashtëzakonshmet.
Kësaj
radhe, Tea na rrëfen historinë e saj dhe të grupit të shoqeve që ka njohur në
kolegj. Ato kanë krijuar grupin Tea
Sisters (Motrat Teat) dhe sa herë që ndokush prej tyre ndodhet në vështirësi,
mblidhen të gjitha për ta ndihmuar. Ato janë heroinat e forta dhe gazmore të
Miushërisë.
Tea
dhe shoqet e saj, Niki, Koleta, Violeta, Paulina dhe Pamela nisen për në
Holandë për të ndihmuar të atin e shokut të Violetës, Janit, i cili është
zhdukur në mënyrë misterioze, pasi ka krijuar një lloj të ri tulipani. Një
brejtëse misterioze ka shtënë në dorë këtë tulipan të rrallë. Tashmë, Tea
Sisters do ta kërkojnë nëpër gjithë Holandën tulipanin e zi dhe babanë e Janit,
mes kalimeve të kanaleve me barkë, shëtitjeve me biçikleta, kopshteve të
lulëzuara dhe mullinjve me erë. Në këto kërkime përzihen dhe miqësia, dashuria
për natyrën dhe artin.
Fëmijët
nga mosha 8 vjeç e lart mund të mësojnë shumë gjëra të reja dhe kuriozitete për Holandën
dhe Amsterdamin, kryeqytetin e saj.
Përveç anës gjeografike, libri është i pajisur me
informacione mbi kopshtarinë, muzeumet, piktorët e njohur apo dhe lojëra të
ndryshme zbavitëse që i ndihmojnë fëmijët të zgjerojnë njohuritë përmes lojës
dhe argëtimit.
Etichette:
botime pegi,
jeronim stilton,
tea stilton,
tulipan i zi
Subscribe to:
Posts (Atom)