Këtej e matanë
Lanës
uturijnë
automobilët
shpërfillës ndaj
meje,
ndaj teje,
diku n’terr një qen
leh, një tjetër kuis,
er’e veriut
davarit tymin e cigares
së djegur gjer në
mes
harruar pa
shkundur mes gisht
çajniku mbi stufë
fishkëllen,
befas,
më zgjon prej ëndjes s’mallit
tënd.
***
Mijëra vite dritë mall
malluar për dikë me sy të paparë
parë e pa njohur,
folur e pa dëgjuar
dëgjuar në heshtje shajnish
shajni-negativ
negativë filmash të shuar kahmot
kahmot rrekem në kërkim të dritës
dritë mijëra vite
drite larg.
No comments:
Post a Comment